Дилә + Марат = ? Кабат бергә мәллә…

Җырчы Дилә Нигъматуллина төшке аш вакытында композитор, аранжировкалар остасы Марат Мухин белән төшкән селфисын үзенең инстаграм-аккаунтына керткән.

Билгеле булганча, Марат — Диләнең ире, алар бергә Сәфинә исемле, бөдрә чәчле сөйкемле кыз үстерәләр. Тик соңгы вакытта кеше телендә аерылганнар икән дигән хәбәр йөри.

«Әйдә бәхәсләшәбез, синең аккаунттагы бу фото иң күп лайк җыячак!» — дип әйтте Марат. Карап карарбыз! Мин үзем лайклар артыннан кумыйм. Бәхәсләшергә дә яратмыйм. Тик бу фотоны монда калдырасым килә», — дип комментарий да калдырган Дилә.

«Бик килешәсез бер-берегезгә, бергә булсагыз иде! Бәби көткәндәге клибызда шундый бәхетле сез!»

«Сезнең бергә төшкән фотогызны беренче тапкыр күрәм! Сөбеханалла, моңа кадәр булган бөтен фотоларны да уздыра бу».

«Дилә, чынмы, ялганмы, сез матур парлар! Нинди чибәр бөдрә чәчле кызыгыз үсеп килә, аерылмагыз, каерылмагыз, булса да сәбәпләре», — дигән фикерләр язган укучылары.