«Канатлы ат» — Зәлинә Гыйләҗетдинова иҗаты

«Сабантуй» балалар журналын яратып укучылар. Сезне ТР Балтач районы “Советлар Союзы Герое Г.Гарифуллин исемендәге Яңгул урта гомум белем мәктәбе”нең 5нче сыйныф укучысы Гыйләҗетдинова Зәлинә Фидан кызының иҗат җимешләре белән таныштыррыга телим.

Укытучысы: Хаҗиева Л.М.

Әниемне яратам

Мин әнине яратам!
Ул да мине ярата!
Әнием белән бергә,
Һәр көн күңелле үтә.

Әнием белән бергә
Һәр көн файдалы үтә.
Мәктәпкә дә озата –
Әни мине ярата!

Авыр чакта юата,
Кызык итеп уйната,
Әкият укып йоклата –
Әни мине ярата!

Әтием

Ярата үз әтиләрен
Җирдә һәммә кеше дә.
Әмма минем әтиемә
Җитә алмый берсе дә.

Ул булдыра барысын да
Дөрес, авыр эше дә.
Ярдәм сораган чагында
Булыша һәр кешегә.

“Төзүче кызы” дисәләр,
Никтер көләсе килә.
Белмәгәннәргә, мин булам –
Фидан кызы Зәлинә.

Яз җыры

Шаулап акты гөрләвекләр –
Яңгырады яз җыры.
Шәһәрләрдә, авылларда
Яуды ләйсән яңгыры.

Язгы ташкын башлануын
Хәбәр иттем дөньяга.
Зәңгәр бозлар агып китте,
Мин сокландым аларга.

Аңлаталмыйм – сүзләр җитмәс,
Җырламыйм – көй табылмас.
Синең көең, күптәнгечә,
Тагын яшьлек, тагын яз…

 

Сеңлемә

Минем кечкенә сеңлем бар,
Исемнәре Айзилә.
Ничек итеп укыр инде,
Ул бит әле кечкенә.

Быел мәктәпкә барырсың,
Гел “бишлеләр” алырсың.
Әниләрне куандырып,
Спортчы да булырсың.

Үзеңнең бар хыялың –
Армиягә барасы.
Илне саклап, горур булып,
Әйләнеп тә кайтасы…

Тылсымлы таяк

Мин кечкенәдән үк тылсымчы булырга хыялланып үстем. Гади генә тылсымчы түгел, ә тылсымлы таягы белән!

…Мин күзләремне йомам да, шул таякны минем кулда дип күз алдыма китерәм. Таягымны селтәп җибәрүем була, бөтен дөньяда тынычлык урнаша. Сугышлар да булмый, кешеләр дә бер-берсенә бары тик яхшы теләкләр генә телиләр. Африканың сусыз илләрендә чишмәләр калкып чыга, балаларның елаулары түгел, бары тик шат елмаюлары гына ишетелә. Җир йөзенең бөтен сабыйлары да якты, зур мәктәпләрдә укыйлар. Аучылар да җәнлекләрне, кошларны ауламый, бөтен дөнья кошлар сайравыннан яңгырап тора. Бөтен җирдә рәхәт, тыныч…

Мин күзләремне ачам… Ә бу дөньяда һаман да начарлык, сугыш.

Мин зур үскәч, барыбер бу таякны табып, җир йөзен ямьләндерәчәкмен әле!

Бардыр бер авыл — Мәтәскә диләр… — «Сабантуй» почтасыннан

Арча артында бардыр
Бер авыл — Мәтәскә диләр.

Без — Арча «НУР» балалар телерадиостудия укучылары — шунда юл тоттык. Әлегә кадщр Мәтәскәдә бер тапкыр да булганым юк иде. Мәктәп җитәкчеләре безне бик җылы каршы алдылар, экскурсия үткәрделәр.

Бөзнең төп максатыбыз: балалар белән очрашу, үзебезнең тәҗрибәбезне Түбән Мәтәскә балалары белән уртаклашу һәм үзебезнең туган телебез турында сөйләшү.

«Журналист профессиясе нәрсәсе белән мавыктыргыч?», «Үзеңнең киләчәгеңне телефидение яки радио белән бәйләр идеңме?» кебек сораулар яудырдык.

«Гәҗит ни өчен кирәк», дигән сорауга… балалар «Балык төрер өчен», дип җавап кайтардылар. Башка сорауларга да бик үзенчәлекле җавап кайтарды алар. Бер генә тапкыр да интервью алганнары, камерага карап сөйләгәннәре булмаса да, куркып тормадылар.

Без Түбән Мәтәскә мәктәбен районда иң көчле мәктәпләрнең берсе икәнен ачыкладык.  Укучылар спорт буенча да көч сынатмыйлар икән. Биредә журналистика белән шөгыльләнергә теләгән балалар да бар.

Аннары тәмле коймак белән чәй эчтек, истәлеккә фото ясадык, рәхәтләнеп күңел ачтык һәм мондый очрашуларны ешрак оештырырга кирәк дигән нәтиҗәгә килдек.

Ә инде Түбән Мәтәскә балаларына киләчәктә зур уңышларга ирешүләрен теләп калабыз.

Кунакта әйбәт, өйдә яхшырак.
И, Арча, сиңа кайттык сөеп
Тагын да без.

Динә Нәҗметдинова
Җитәкче: Дамир Тәҗиев

Алинә Сәмитова — Инстабәйге җиңүчесе!

«Мин кечкенә яшьтән үк әле укый да белмәгәндә, минем кулымда инде «Cабантуй» журналы булганлыгын яхшы хәтерлим. Ә азрак үсә төшкәч, мин инде үзем укый да башлагач, миндә кызыксыну көннән-көн арта барды. Журналның кайдан һәм ничек безнең кулларга җиткәнлеген, аны кемнәр шулкадәр матур итеп эшләгәннәрен үз күзләрем белән күрәсем килде. Бу минем өчен зур хыялга әйләнде.

Шулай “Сабантуй” журналының бәйгеләренә дә катнаша торгач мин җиңү яуладым, һәм мин бүләкләнү өчен “Сабантуй ” редакциясенә бардым. Бу минем өчен иң шатлыклы көннәремнең берсе булды, һәм кечкенәдән булган хыялым да чынга ашты.

Мине редакциядә ачык йөз белән каршы алдылар. Миңа истәлекле бүләкләрне һәм дипломны «Сабантуй» журналының баш мөхәррире Илназ абый Фазуллин тапшырды.
Рәхмәт сезгә бик зур мине сөендерүегез өчен!

Сезнең яннан мин бик шат күңел белән кайттым.

Алинә Сәмитова, Буа районы, Аксу авылы»

Зәй сабыйлары да «Сабантуй»ны ярата!

Зәй шәһәрендәге «Шатлык» балалар бакчасы сабыйларының, белем бирү эшчәнлекләреннән тыш, башка файдалы, кызыклы шөгыльләре дә күп.

Шуларның берсе, балалар журналы «Сабантуй»ны уку. Әле, барысы да, укый белмәсәләр дә журналның яңа саны белән танышуны барысы да көтеп тора! Журналда бастырылган әкиятләрне бергәләп укыйбыз, бәйрәмнәрдә шигырьләрен яттан өйрәнәбез!

Әти белән һәр ял саен тау шуарга барабыз… — «Канатлы ат»

Безнең ял

Әти белән һәр ял саен
Тау шуарга барабыз.
“Җиңү паркы” ерак түгел
Бер тукталыш арабыз.

Яңа “төймә” чанабызга
Өчәүләп утырабыз.
Тауның иң биек җиреннән
Бик тиз шуып төшәбез.

Питиряков Тимур, Яр Чаллы шәһәре 7нче урта мәктәбенең 3А сыйныфы укучысы

Чыршы бәйрәме

Кыш бабай һәм Кар кызы
Бүген бәйрәмгә килгән.
Алар безгә күп итеп,
Конфетлар алып килгән.

Чыршы тирәли бергәләп,
Без бик озак уйнадык.
Матур шигырьләр сөйләдек
Һәм бик озак җырладык.
Кыш

Кыш килгән.
Ап-ак кар алып килгән.
Бөтен җирне карга күмгән.
Агачлар ак шәл ябынган.

Питиряков Адель, Яр Чаллы шәһәре 7нче мәктәбенең 1А сыйныфы укучысы

 

Белем бит ул бар йозакка ачкыч була! — «Канатлы ат»

Сары

Кояш сары,
Чәчәк сары,
Комлыктагы балчык сары,
Үземнең чәчем сары —
Нигә бөтен җир сары?
Мин беләм:
Мин сары яратканга,
Бөтен җир шары сары!

Уздырган

Кар–буран, ураган
Бөтен җирне туздырган.
Ә безнең Алия,
Алардан да уздырган!

Белем

Белем кирәк укытучыга,
Белем кирәк механикка,
Белем кирәк балаларга,
Белем кирәк бар кешегә!
Белемсез яшәп булмый һич тә,
Белем бит ул бар йозакка ачкыч була!

Чыпчык

Сандугач матур сайрый дип,
Хурламагыз чыпчыкны.
Ул да бит бик тырыша,
Табарга безнең көйне.
Сандугач, сайрый-сайрый да,
Бер минут: оча — китә.
Ә безнең чыпчык тырыш:
Көннәр буе ул килә.

Гарифуллина Алия,
Балтач районы, «Салавыч күппрофильле лицее»ның 5нче сыйныф укучысы