«Агачлар да авырый» — татарча мультфильм /видео/

Мультфильм Зәкәрия Ахмеровның «Агачлар да авырый» исемле татарча әкияте буенча ясалган. Әкияттә Рамилә дигән кызның бакчадагы агачлары турында кайгыртуы сурәтләнә. 

Зәкәрия Ахмеров укучыга туган як, кеше һәм табигать турындагы әкиятләре белән таныш.

Аның «Агачлар да авырый» исемле әкиятен балалар яратып укый һәм сөйли. Мультфильмны мәктәпкәчә яшьтәге балалар һәм башлангыч сыйный укучылары өчен татар телен өйрәнүдә кулланырга мөмкин. Ул балаларга табигатьне сакларга, үсемлек һәм җәнлекләргә зыян китермәскә өйрәтә.

 

Татарча мультфильмнарны кайдан карап була

Бөтен балалар да мультфильм карарга ярата. Күбебез, әле әти-әни булгач та, балалар белән бергәләшеп карап утырабыз аларны. Балачак эчкерсезлеге, шаянлык, матур төсләр һәм персонажларга кем генә битараф калсын икән? Моннан берничә ел элек татарча мультфильмнарны вконтакте челтәрендә стеналарда саклап калып карый идек. Югыйсә, алар күптән инде аерым сайтларда тупланган һәм карау өчен махсус җайлаштырылган икән. Үз җаегыз белән,  теләгән вакытта сез дә рәхәтләнеп карарсыз дип ышанабыз.

“Татармультфильм” студиясенең рәсми сайты. Студия 2010 нчы елда ачылып, тамашачыга беренче тапкыр Габдулла Тукайның “Бала белән күбәләк” мультфильмын тәкъдим иткән иде. Бу вакыйгадан соң бер ел үтүгә, Габдулла Тукай әсәрләре буенча куелган 14 мульфильмны туплаган тулаем бер серия әзерләп чыгара алар. Ә “Кисекбаш” мульфильмы татар аниматорларының халыкара мактаулы баскычка алып чыккан беренче зур эше санала. Ул “Харьковская сирень — 2011” халыкара кинофестивальдә беренче урынга ия булган. Соңгы вакытта дөнья күргән “Сабантуй”, “Кырмысказки” шаян сериалларында татар халкының милли характеры, җор теллелеге, шаянлыгы һәм кунакчыллыгы сурәтләнә. Барыбызга да таныш татар әкиятләрен берләштереп, “Татар халык әкиятләре” дигән цикл ясаган бу студия. Бу хезмәтләре өчен бөтендөнья ТЮРКСОЙ җәмгыятенең махсус бүләге белән дә бүләкләгәннәр үзләрен. Әлеге сайтта мультфильмнар берьюлы 3 телдә: татар, рус һәм инглиз телләрендә тәкъдим ителә.

Tatar cartoon исемле бу сайт үзен яңа татар мультфильмнарын иң беренчеләрдән күрсәтүче интернет канал дип таныштыра. ТР ның фән һәм белем бирү министырлыгы, мәдәният министырлыклары заказы буенча эшләнгән: “Шүрәле”, “Кем көчле?”, “Бал корты һәм шөпшә” кебек мультфильмнарны биредә онлайн карарга мөмкин.

Мәгариф сыйфатын үстерү максатында эшләнгән «БАЛА» дип аталучы мультимедиалы интерактив китапханә татар телен һәм татар әдәбиятын өйрәнүгә юнәлтелгән. Сайтның җайлы, зәвыклы эшләнеше җәлеп итә. Бала.РФ сайтында бүгенге көндә татар телендә 34 мультфильм тәкъдим ителә. Алар арасында “Эш беткәч уйнарга ярый”, “Ак бабай”, “Төлке белән каз”, “Бүләк кемгә?” кебек әкиятләр бар.

ТР фән һәм белем бирү министырлыгы тарафыннан балаларның ярткан “Фиксики” сериалы татар теленә тәрҗемә ителде. Дубляжны “Безнең халыкның мирасы” компаниясе эшләгән. Мультсериал 60 сериядән тора. Аны гамәлгә куючылар фикеренчә, бу туган телне өйрәнүнең бик уңайлы формасы. Моңа кадәр бу компания  фән һәм мәгариф министрлыгы заказы буенча «Трое из Простоквашино», «Малыш и Карлсон», «Винни-Пух», «Львенок и Черепаха», «Двенадцать месяцев», «38 попугаев», «Крокодил Гена», «Чебурашка», «Котенок Гав», «Золушка» кебек мультфильмнарны татарчалаштырган иде.

Татарча мультфильмнарны шулай ук вконтакте сайтында https://vk.com/tatarcartoon, https://vk.com/bala_rf, ютьюбта карарга мөмкин.

Алда әйтелгән сайтлар белән танышканда тагын бер кызыклы мәгълүматка тап булдым. Татармульфильм студиясе мәктәп укучыларын “Век Татарстана” исемле мультфильм ясауда катнашырга чакыра. Ул ТАССР оешуның 100 еллыгына багышлана. Мультфильм балалар иҗат иткән шигырь һәм рәсемнәрдән әзерләнәчәк, дип язылган конкурсны оештыручы рәсми сайтта.

Энҗе НОГМАНОВА

//Интертат.ру//

«Мирас угы» — татарча мультсериалның дәвамын карагыз:

«Татармультфильм» оешмасының «Стрела Наследия» дигән фильмы чыкканын күпләр инде белә. Ә менә аның татарчасын караучылар саны аз әле.

Беренче 3 серияне монда карый аласыз.

Без сезгә бу мультсериалның дәвамын тәкъдим итәбез. Рәхәтләнеп карагыз:

 

Шаккатмалы: 4 яшьлек кыз — 6 телдә сөйләшә! /видео/

Аның исеме Белла Девяткина. Ул Мәскәүдә яши. «Гаҗәеп кешеләр» тапшыруында катнашып, бөтен илне шаккатырган бу кызга бары 4 кенә яшь. Ә ул инде 6 телдә иркен сөйләшә: инглиз, немец, испан, француз, кытай һәм гарәп телләрендә. «Бер яше дә тулмаган балага без ике тел өйрәтә башладык. Аның кызыксынуын һәм тырышлыгын күреп бераздан телләр санын өсти бардык».

4 яшьлек полиглот кызның сынау үтүе шаккатмалы: