Алабугада “Сабантуй” журналы призларына көрәш бәйгесе уза. Бүген — финал! /жеребьевка/

Бүген Алабуга шәһәрендә яшүсмерләр арасында көрәш буенча Татарстан республикасы беренчелеге дәвам итә. Ярышларның икенче көнендә төп җиңүчеләр — финалистлар — үзара ярышып, чемпионнарны ачыклаячак. Исегезгә төшерәбез, әлеге ярышта җиңү яулаган яшь батырлар март аенда Казанда узачак Россия беренчелегендә катнашу хокукына ия булачаклар.

Ярышларның икенче көненә кадәр барып җиткән көрәшчеләрнең исемлеге түбәндә:

Сүз уңаеннан, Татарстан республикасының беренчелеге күп еллар дәвамында «Сабантуй» журналы редакциясе белән берлектә оештырыла. Әлеге ярышлардан фото һәм видеорепортаж шушы көннәрдә сайтыбызда урын алачак. Күзәтеп барыгыз!

«Сабантуй» журналы яшь көрәшчеләрне Алабугада җыйды /жеребьевка/

Бүген Алабугада Татарстан Республикасының көрәш федерациясе һәм «Сабантуй» балалар журналы редакциясе призларына оештырыла торган яшүсмерләр арасында көрәш турниры уза. Бәйгегә 34 команда килгән, барлыгы 500гә якын яшь көрәшче җыелган. Ярышлар ике көн дәвам итәчәк. Бүген — бәйгенең беренче көне, ә иртәгә финал ярышлары узачак. 

Алабугада узучы Көрәш буенча Татарстан Республикасы яшүсмерләр арасында беренчелектә 2002-2003 һәм 2004-2005 елларда туган яшүсмерләр бил алышачак.

Беренче әйләнеш жеребьевкасы түбәндә:

«Шаян ТВ» 1 февральдән эшен башлый /фото, видео/

Татар телендә эшләүче «Шаян ТВ» республика телевизион балалар каналының премьерасы 1 февраль «THB Татарстан» hәм «ТНВ-Планета» каналларында булачак. 

Матбyгат конференцияcендә «Яңа Гасыр» телерадиокомпаниясенең генераль директоры Илшат Юныc улы Әминов, Балалаp hәм яшьләр өчен тапшырулар иҗат беpләшмәсе җитәкчесe Рамилә Сахабетдинова; «Шаян ТВ»ның актив хәбәрчеләре, телеканалның алып баручылары, корреспондентлары катнашты.

7 гыйнвар көнне Татарстан Республикасы Президенты Рөстәм Миннехановка татар телендә балалар каналы проекты тәкъдим ителгән иде. Рөстәм Нургали улы балалаp өчен татар телендә мондый каналга иxтыяҗ бар, дип билгeләп үтте. «Максатыбызны тормышка ашыру өчен, Россия федераль каналлары («Первый», ВГТРК) базасында эшләүче «Карусель» гомуммилли дәүләт халыкара балалаp haм яшүсмерләр телеканалының уңышлы тәҗpибәсeнә таянып эш итәбез. Каналның төп герое шук hам кызыксынучан малай — Шаян. Aның дуcлары: үрнәк кыз Биби, песи баласы Мияy, электрон Mаэмай. Алар шулай ук балалар журналларында, буяy yeнчык альбомнaрында, электрон yеннарда урын алaчак», дип белдерде Илшат Аминов.

Яна каналның төп бурычлары — кабель hам спутник интернет челтәрләрен кулланып, татар телен яңа алымнар белән өйрәнүне Татарстанда hәм республикaбыздан читтә торган балалаpга житкeрү, тариxыбызны, гореф-гадәтләрне өйрәтү, аларга hәрьяклап тәрбия hәм белем бирү, татар теленә мәхәббәт yятудан гыйбарәт.

Илүзә Гайнетдинова
Ринат Нәҗметдинов фотолары

 

«Манзара» премиясенең җиңүчесе билгеле!

Җыр сәнгате һәм көрәшне нәрсә берләштерә? Җавап бер — «Манзара » премиясе.

«Пирамида» сәхнәсендә узган чарада жырчыларга премия тапшырылды, ә Сабантуй батырлары иң көчле көрәшчене ачыклады.

23 спортчы арасындагы ярышта җиңүче — Раил Нургалиев (Теләче)! Аңа 100000 сумлык бүләк тапшырылды.

Икенче урында калган Фирдүс Зәйнуллин — 60000, өченче урында калган Раил Заһретдинов һәм Фәрхәт Фәйзуллин 30000 сум акчалата премия белән буләкләнделәр.

Әлеге ссылкага басыгыз: бәйге ФОТОларын карагыз!

«Манзара» премиясенең киләчәге нинди булыр: бу ссылка аша УКЫ!

«Манзара» премиясе бүген Татарстан батырларын бер келәмгә жыйды /ФОТОРЕПОРТАЖ/

Бүген Казанда, кыш уртасы булуына карамастан, Сабантуй рухы хөкем сөрә! Ни булган соң? Әлеге минутларда «Пирамида» күңел ачу комплексында көрәш бәйрәме башланды.

«Манзара» премиясе исеме астында уздырылган әлеге чара быел беренче тапкыр оештырыла. Әлеге проектның асылында республика район батырларын бер келәмгә жыю тора. Бүген без монда атаклы көрәшчеләрне күрәбез: Раил Нургалиев, Фәрхәт Фәйзуллин, Ришат Гайнетдинов, Радик Сәләхов, Ренас Кәлимуллин, Фирдүс Зәйнуллин һәм тагын башка батырлар. Гомумән, 23 батыр көч сынашачак.

Җирәбә исә тамашачылар каршында эшләнде, беренче әйләнешнең парлары билгеле. Алга китеп шуны әйтик: тәүге алышларын уңышлы тәмамлаган 8 көрәшче чараның кичке өлешендә җиңүчене ачыклаячак. Ә көрәш алышлары исә җырчылар чыгышлары белән үрелеп бара.

Пирамида сәхнәсендә жырчылар чыгыш ясаса, залда исә көрәшчеләр ут уйната. «Манзара» премиясендә беренче алыш, бу чарада бил алышкан тәүге батырлар — Сарман батыры Радик Насруллин һәм Баулы көрәшчесе Илмир Сабиров. Алар тарихка «Пирамида» залында беренче көрәшчеләр буларак кереп калачак!

Заманында көрәш келәмендә мәйдан тоткан Татарстанның атказанган спорт остасы, Яшьләр эшләре һәм спорт министрының беренче урынбасары Хәлил Шәйхетдинов «Манзара»ның киләсе елларда тагын да зуррак масштабларга чыгачагына өметләнә.

«Бу ярыш бәлки цирк аренасында оештырылыр әле. Урта Азия батырларын чакырып, үзебезнекеләрне исә рейтинг нигезендә генә сайларбыз әле бәлки. Күбрәк тамаша рәвеше булганга кагыйдәләрдә үзгәрешләр булырга мөмкин. Мәсәлән, сөлгене кыска итеп кенә арка өстендә тотып, тезләнү-егылулар өчен кисәтү бирү. Уйлашып бетерербез. Ә мондый чараны оештыруга һәркем үз өлешен кертергә бурычлы, заллар тулып торсын, шуның белән без татар милләтен үстерәчәкбез!» — диде ул.

Жиңуче кичке якта гына билгеле булачак, «Сабантуй» сайтын күзәтеп барыгыз!

«Манзара» премиясеннән фотоларны хәзер үк карый аласыз: ФОТОРЕПОРТАЖ

Ринат Нәҗметдинов фотолары