«Кар бөртеге» /остаханә/

Әлеге ясалма кышкы бәйрәмнәрне бизәр өчен әйбәт булыр. Аны кече яшьтәге балалар әти-әни ярдәме белән дә башкарып чыга алыр.

Кирәкле әйберләр:

— төсле кәгазь

— клей

— кайчы

— линейка, карандаш

— дырокол

— атлас лента

Зәңгәрсу төсле кәгазьдән 10 смлы 6 квадрат кисеп алабыз. Аларны рәсемдәгечә түгәрәкләп ябыштырабыз. Бу — кар бөртегенең таҗлары. Аннары таҗларны биредә күрсәтелгәнчә бизәгез. Кечкенәрәк кар бөртекләре ябыштырсагыз, яки карандаш, фломастер белән ясасагыз да була.

Алтынсу кәгазьдән диаметры 3 см булган түгәрәк кисәбез. Шушы түгәрәккә таҗларны ябыштырыгыз.

Куе зәңгәр төсле кәгазьдән 7 смлы 6 квадрат кисәбез. Алдагылары шикелле үк түгәрәкләп ябыштырып таҗлар ясыйбыз, бизибез.

Барысын бергә тоташтырабыз.

Элеп куяр өчен атлас лента беркетәбез.

Әзер!

Тәмле дә, матур да! Пирог бизәү ысуллары:

Өстәлгә куелган ризык тәмле генә түгел, матур да булса, аппетит ачыла, кәеф күтәрелә.  Хәзер без тәкъдим итәчәк ысуллар ярдәмендә, сез пешергән пироглар сәнгать шедеврына әверелер.

Крем сылап, өстенә чия куеп кына түгел, фантазия һәм хыялга нигезләнеп тә пирогларны бизәп була.

1. Йөрәк

Яраткан кешегезгә мәхәббәтегезне тагын бер кат исбатлау өчен менә дигән мөмкинлек. Вакытыгыз күбрәк сарыф ителер, тик нәтиҗәсе сезне итараф калдырмас. Әлеге йөрәкләрне ясау өчен махсус форма сатып алсагыз да була.

2. Үрү

Әлеге ысул иң киң таралганнарның берсе. Җайлы да, тиз дә. Камырны полосалап кисеп, пирог өстенә рәсемдәгечә урнаштырыгыз. Очларын кискәндә пөхтә булырга тырышыгыз.

Шулай ук чәч толымы шикелле үрсәгез дә була.

3. Түгәрәкләр

Бу очракта да махсус формаларыгыз булса эш күпкә җиңеләер. Сметанникны шушы рәвешле пешерсәгез оригиналь килеп чыгар.

4. Кырыйларын бизәү

Пирогның нигезен салганда, кырыйларын зиг-зак формасында ясагыз. Матур булачак!

5. Йолдызлар

Йолдызларны рәсемдәгечә тезсәгез дә була. Кырыйларын тулсынча йолдызларга төрсәгез, яисә кырыена бер-икене генә куйсагыз да матур булыр.

6. Яфраклар

Яфракларны да йолдызлар шикелле итеп тезәргә кирәк. Бу ысулны «үрү» белән дә чиратлаштырсагыз да була.

7. Җиләк-җимешләр

Бу очракта тулысынча үз фантазиягезгә таяныгыз.

8. Сүзләр язу

Туган көнгә шигъри котлаулар һәм теләкләр

***

Бүгенгедәй сөйкемле бул!
Бүгенгедәй бәхетле бул:
Жәй гөлләре үскәндә дә,
Яз яфраклар ярганда да,
Көз жилләре искәндә дә,
Жиргә карлар яуганда да
Якты кояш һәрчак юлдаш булсын,
Шатлык тоеп типсен йөрәгең.
Авырлыклар сине урап үтсен,
Кабул булсын һәрбер теләгең.
Гомер юлың озын-озак булсын,
Тигез тормыш аны бизәсен.
Гомерләрең бәхет белән үтсен,
Авырлыклар бер дә килмәсен.

* * *

Кадерле … ! Сине ихлас күңелдән туган көнең белән котлыйм. Сиңа аяз күк йөзе, шомырт чәчкәседәй ак бәхетләр, корычтай нык сәламәтлек, кояштай озын гомер, чиксез шатлыклар телим. Сабыр холыклы, мәрхәмәтле, ярдәмчел, кадерледән-кадерле син. Киләчәктә дә киң күңелле, ачык йөзле, олы йөрәкле булып кал. Ходай насыйп итеп сиңа алдагы көннәреңдә дә сәламәтлек белән гомер итәргә, безнең шатлыкларга сөенеп яшәргә язсын иде.

* * *

Туган көнең белән котлыйм,
Ак бәхетләр сиңа телим.
Гомер юлың озын булсын,
Кайгы-хәсрәт урап үтсен.
Бу гомерләр искән җилләр кебек
Сизелмичә үтеп китәләр.
Гомер юлларында бәхет теләп
Гел елмайсын якты иртәләр.
Җан рәхәте бирсен Ходай сиңа
Тән сихәте бирсен гомергә
Насыйп булсын әле озак еллар
Кунак булып җирдә йөрергә…
Ерак калмады язга да,
Кояш яктырак карый.
Кышның шундый бер көнендә
Җиргә тусаң да ярый.

* * *

Җылы язлар килгән чакта
Йөрәккә сөю дәшә,
Син дә шулай гомер буе
Сөеп, сөелеп яшә!

* * *

Кояш кешеләр йөзенә
Елмаю булып куна.
Син дә яшә бу дөньяда
Бәхетле булып кына.
Тәбриклибез сезне чын күңелдән,
Котлы булсын туган көнегез.
Кайгы, хәсрәт сезне читләп үтсен,
Шау бәхеткә тулсын өегез!


* * *

Бүлешәбез барлык шатлыкларны,
Бөтенебез бергә җыелып.
Гомерегезнең олы вакыйгасы
Күңелләрдә калсын уелып!
Күктән кояш аллы-гөлле
Нурларын сибеп көлә.
Сезнең туган көн икәнен,
Әйтерсең, ул да белә!

* * *

Зәп -зәңгәр бүген күкләр дә,
Гүя махсус киенгән.
Сезнең туган көн бүген дип,
Бар табигать сөенгән.

Ямьгә төреп табигатьне,
Җиргә бүген яз килгән.
Сезнең туган көн буласын
Яз да, әйтерсең, белгән!

Үзегез дә гүя безгә
Ни кирәген белгәнсез —
Туып кына калмагансыз,
Язны алып килгәнсез.

Яз — табигать терелгән чак,
Тереклек уянган чак.
Алда әле яңа җәй дип
Уйлаган, уйланган чак.

Алдагы яңа җәйләргә
Исән-имин керегез.
Шатлык белән бәхет белән
Озак гомер сөрегез,

Кадерен белеп яшәүнең,
Матур гомер итегез,
60, 70, 80, 90,
100гә кадәр җитегез!

* * *

Матур тормыш, сәламәтлек теләп
Туган көнең белән котлыйбыз.
Шатлык белән, озын гомер белән
Яшәвеңне генә телибез.

* * *

Матур яз аенда тугангамы,
Күңелеңдә һәрчак изгелек.
Кылган яхшылыгың кире кайтып,
Күрсәң иде үзең игелек.
Гел шатланып яшә, хәсрәт күрмә,
Тыныч булсын һәрчак күңелең.
Бәрәкәтле, матур тормыш сиңа
Кояшларга тиңе гомернең.

* * *

Кояш көлсен, язлар сиңа
Кочак-кочак чәчәк китерсен
Язлар белән бергә бәхет килсен,
Шатлыкларга шатлык өстәлсен.
Һәр көн сине котлап кояш чыксын,
Сине назлап җилләр иссеннәр.
Яшәү матурлыгы, яме булып
Көн артыннан көннәр үтсенәр.

http://www.ihlastan.ru//

Иске гәҗитләрдән шәһәрчек ясыйбыз /ОСТАХАНӘ/

Иске гәҗитләрне ташлар алдыннан берничәсен җыеп куярга онытмагыз: балагыз белән алардан кызыклы шәһәрчек төзергә мөмкин.

Моның өчен гәҗит, кара һәм ак төстәге каты кәгазь (көн һәм төн өчен), клей, кайчы, фломастерлар кирәк булачак.

Балагызга турыпочмаклыклар кисәргә кушыгыз. Ватман битендә аларны рәт белән ябыштырыгыз. Алар — өйләрнең нигезе. Өйнең түбәсе — өчпочмаклар. Шулай ук кисеп ябыштырыгыз. Коллажны йолдызлар, кар бөртекләре, агачлар белән тулыландырсагыз була.

Әлеге композиция белән баланың бүлмәсен бизәгез, комод өстенә куегыз, стенага элсәгез дә була.

Балачак хатирәләрен яңартабыз: «Баллы әтәч» РЕЦЕПТЫ

Белгәнебезчә, һәр бала да баллы ризыкны үз итә. Туңдырма, торт кисәге яки шоколадтан баш тартучы бала юктыр. Тик бала азыгы тәмле булуыннан бигрәк, билгеле стандартларга туры килергә тиеш.

Беренчедән, ризыкның файдалы булуы мөһим. Икенчедән, майлы булмасын, ашказаны җиңел эшкәртсен.

Шуңа да күпчелек әти-әни балага тәм-томны сатып алганчы үзе пешерүгә өстенлек бирә. Үзең әзерләгәндә продуктлары да яңа, консервант, буягычлар да кушмыйсың, химикатлар юклыгына да 100% ышанычың була.

Бүген без сезгә балагыз белән бергәләп балачагыгыз хатирәләрен яңартырга чакырабыз! Баллы әтәчләр ашаганыгызны хәтерлисезме? Алар бүгенге чупа-чупслардан тәмлерәк тә әле.

Кирәкле ингредиентлар:

— Шикәр комы — 10 аш кашыгы

— Су — 5 аш кашыгы

— Уксус — 2 аш кашыгы

— Атланмай — формакларны майлау өчен

— Конфетлар өчен форма

— Таякчыклар.

Кострюльгә шикәр комы, су, уксус салабыз. Уксус салмасаң конфетлар матур, ачык төсле булмаячак. Катнашманы кайнатып чыгарабыз да, утны басып куябыз. Куерганчы, кызыл төскә кергәнче пешерәбез. Ул арада формаларны атланмай белән майлап куябыз. Әзер катнашманы формаларга агызабыз, таякчыкларын кадарга да онытмыйбыз. Әтәч-конфет бик тиз ката, кату белән балаларны сыйласагыз да була.

Тәмле булсын!

«Ел фасыллары» композициясе /остаханә/

Балалар белән бергәләшеп кулдан эшләнмәләр ясауны дәвам итәбез: бүгенге композиция «Ел фасыллары» дип атала. 

Картонны рәсемдәгечә кисеп, агач кәүсәсе итеп беркетегез. Нигезендә ныклап утыруын тикшерергә онытмагыз: композиция киләчәктә әйләнеп йөрергә дә тиеш булачак.

4 яклы агач килеп чыккач, аның һәр ягын ел фасылына хас булырдай итеп буяп чыгу кирәк. Мисалга, кыш көнен акка, көзне — сарыга, җәйне яшел төскә буягыз. Фантазиягездән чыгып төрле бизәкләр урнаштырыгыз.

Балага әлег уенчык күзәтү өчен дә кызыклы, ә ел фасылларын өйрәнү өчен — файдалы. Шушы композиция белән бергә ул вакыт алмашынганын көтеп торыр!