Бавырдан искиткеч тәмле торт пешерәбез /рецепт/

Бавыр — гемоглабинны күтәрү өчен бер дигән корал. Тик аны күпләр яратмый, балалар исә бигрәк тә.

Гемоглабины, кан басымы түбән булган балаларга бавыр ашату өчен тәмле дә, файдалы да рецепт тәкъдим итәбез. Бавыр торты — бик йомшак, сусыл була, эчлеге бавырга искиткеч тәм өсти.

Әлеге ингредиентлардан 6-8 порция чыга.

Кирәкле ингредиентлар:
— 700 гр сыер бавыры
— 2 йомырка
— 100 мл сөт
— 2 уртача суган
— 2 кишер
— 3 тырнак сарымсак
— майонез
— көнбагыш мае
— тәменчә тоз

Әзерләү процессы:
1. Суганны вак итеп турыйбыз.


2. Вак угычта кишерне уабыз.


3. Көнбагыш маенда суганны әз генә кыздырып алабыз.
4. 2 минуттан кишерне дә өстибез.


5. Сарымсакны ваклап турап майонез белән болгатабыз.


6. Бавырны иттарткыч аша чыгарабыз.
7. 2 йомырка кушып болгатабыз.


8. Сөт, он өстибез.


9. Майланган табада коймак формасында килеп чыккан массаны 5 минут кыздырабыз. Диаметры 16 см булса тортыгыз матур чыгар.


10. Коймакка җылы чакта майонез сылыйбыз. Өстенә кишер-суганлы массаны ягабыз. Аннары киләсе коймакны куябыз.


11. Бизәр өчен фантазиягезне эшкә җигегез. Өстенә йомырка сарысы уыгыз, помидор куегыз, кырыйларына да җиңелчә майонез сыласагыз да була.


Тәмле булсын!