20 идея: тәрбияче һәм укытучыга бүләк сайлыйбыз

Тормышка беренче адымнарын ясаучы балага әти-әнидән кала, тәрбияче, укытучы да тәэсир ясамый калмый. Нәкъ менә алар биргән белем, тәҗрибә көндәлек тормышта ярдәм итә.

Бу ике һөнәр ияләренең бәйрәмнәре дә календарьдә бер-берсенә якын урнашкан. 27 сентябрь – Тәрбиячеләр көне, ә 5 октябрь – Укытучылар көне билгеләп үтелә.

Бәйрәм килеп җитәрәк, ата-аналар бүләкне кайгырта башлый. Балаларга булган җылы мөнәсәбәте, аларның хезмәте өчен бүләк белән рәхмәт әйтәсе килә.

Бөтен сыйныф яки төркемнән бирелә торган бүләкләр:

1.​ Профессиональ эшчәнлек белән бәйле бүләкләр:

биология укытучысына – экзотик гөл; балыклар белән тулы аквариум; декоратив агач;

чит телләр укытучысына – чит ил язучысының оригиналдагы әсәре;

география укытучысына – тайнигы булган сувенир глобус, Җир шары формасындагы өстәл лампасы; язулар теркәп була торган дөнья картасы;

әдәбият һәм рус теле укытучысына – электрон китап;

татар теле һәм әдәбияты укытучысына – татар телендә язуы булган берәр бүләк;

теләсә нинди укытучыга – гади булмаган указка.

2. Көнкүреш кирәк-яраклары;

3. Берәр кибеткә сертификат (парфюмерия, көнкүреш, савыт-саба, хуҗалык товарлары кибетләренә);

4. Хоббие белән бәйле бүләк (чигү өчен махсус набор, чәй эчү өчен махсус набор, оригиналь рецептлар китабы; печенье, пироглар, вафлилар пешерү өчен махсус формалар);

5. Чәчәк вазалар;

6. Урын-җир комплекты яки савыт-саба;

7. Һаваны чистарта һәм дымландыра торган USB җайланма;

8. Коллаж яки стена газетасы (укытучыгыз юморны аңлый торган очракта гына);

9. Видео ролик төшерү.

Шәхси бүләкләр:

1.​ Чәчәкләр (кәрҗиндәге, матур тартмадагы; гөл /ниндиен яратканын алдан белергә дә була);

2.​ Җиләк-җимеш, конфетлардан, карамель массадан бәйләмнәр (хәзер алар бик популяр) яки исеме язылган торт;

3.​ Үз кулларың белән ясалган бүләк (матур аппликация, шәм, үзең язган шигырь);

4.​ Фоторамка (сатып алырга да, үзеңә ясарга да була);

5.​ Театр-концертка билет;

6.​ Уку кирәк-яраклары (карандашлар өчен футбляр, зур блокнот);

7.​ Кулдан ясалган сабын (китап, пирожное формасында, исеме язылганы да булырга мөмкин);

8.​ Файдалы предметлар (муенсалар-йөзекләр өчен савыт, капкачлы кружка, термокружка, компьютер тычканы өчен коврик);

9.​ Оригиналь будильник (оча торган будильник-коврик — сигнал туктасын өчен аңа басарга кирәк).

Нәрсә бүләк итәргә киңәш ителми?

1.​ Косметика;

2.​ Парфюмерия;

3.​ Кием-салым;

4.​ Акча.

Бүләк җиңел һәм уңышлы сайлансын!